Mahimo nga mapahalin si Senator Manny Pacquiao sa ruling party nga Partido Demokratiko Pilipino–Lakas ng Bayan (PDP-Laban) kasunod sang mga reklamo tuhoy sa loyalty kag paglapas sa kontstitusyon sang grupo.
Suno kay Secretary-General Melvin Matibag, hatagan nila ang kampo ni Pacquiao sang 10 tubtob 15 ka adlaw nga magpaathag kun ngaa indi sila dapat pagpahalinon sa partido.
Pahayag niya, nagsapol ang National Executive Council kag nagpasar sang resolution nga nagapanawagan sa grupo sang senador nga sabton ang reklamo sa disloyalty kag paglapas sa layi kag kontitusyon sang partido may kaangtanan sa ginaaelegar pag-convert sang regional party nga People’s Champ Movement sa isa ka national party.
Ang People’s Champ Movement ang isa ka regional political party sa Pilipinas, partikular sa mga probinsya sang General Santos kag Sarangani.
Nagapati ang PDP-Laban faction nga ginapamunuan ni Dept. of Energy Secretary Alfonso Cusi nga ang conversion ang natabo sang presidente pa sang grupo si Pacquiao.
Nahibaluan nga Hulyo 17 sang ginsipa sa pwesto bilang party president ang senador.
