Sa baylo nga i-suspinder ang oil excise tax, ginpahayag ni President-elect Ferdinand Marcos Jr. nga mas hatagan sini sang prayoridad ang pagpanghatag sang ayuda sa mga tawo nga apektado sang pagsaka sa presyo sang gatong.
Ini apisar nangin asud-asud na ang panawagan halin sa mga consumers, grupo, kag mamalidha nga isuspinder sang gobyerno ang excise tax sa produktong-petrolyo.
Gintawag sini nga blanket solution lang ang pagsuspinder sang excise tax, kag posible nga indi gid amo ang makabulig sa mga nagakinahanglan.
Buot silingon sini, posible nga lauman nga ipadayon sang Marcos Administration ang ginhimo sang Duterte administration nga pagpanagtag sang fuel subsidies.
Matandaan nga una na nagpanawagan si Senator Koko Pimentel sa incoming president nga i-suspend ang excise tax sa petroleum products.
