ILOILO – Dako ang nangin epekto sang pagdula sang Small Town Lottery sa pagtaas sang kaso sang petty crimes sa probinsya sang Iloilo.
Sa interview sang Bombo Radyo kay Iloilo Police Provincial Office Director Pol. Col. Roland Vilela, iya ginpahayag nga nagtaas ang petty crimes bangud nga nadulaan sang palangabuhian ang mga koridor sang Small Town Lottery.
May kaangtanan diri, naghingyo ang Committee on Peace and Order sa probinsya kay Vilela nga mas pasangkaron pa ang pagbantay kag pagpangdakop sang mga nagapatigayon sang illegal gambling.
Suno naman kay Iloilo 4th District Board Member Rolando Distura, Vice Chairman sang Committee on Peace and Order sa Sanguniang Panlalawigan, nagalaum siya nga mapabilin ni Vilela ang maayo nga accomplishment.
Mas makapaayo suno kay Distura nga mahatagan sang bag-o nga palangabuhian ang mga anay koridor agud nga indi sila maghimo sang krimen.
