ILOILO – Gin-istriktuhan sang Department of Social Welfare and Development ang paghatag sang cash assistance sa mga senior citizen.
Ini ang santo sa mandu ni Presidente Rodrigo Duterte nga siguraduhon nga magluwas sa cash assistance, wala na sang iban pa nga ayuda nga ginabaton ang mga senior citizen.
Sa interview sang Bombo Radyo kay Mae Castillo, tagapamaba sang Department of Social Wlefare and Development 6, iya ginpahayag nga ginapatigayon subong ang re-validation sa mga benepisyaryo agud mahibaluan kun sin-o ang mga eligible kag indi eligible.
Suno kay Castillo, may yara sila sang pagsulundan sa pagpili sang mga benepisyaryo kasubong na lang ang mga wala gid sang may ginabaton nga pensyon gikan sa iban nga ahensya kag dapat man nga wala sang regular nga suporta gikan sa ila himata, mga pigado kag ang mga may yara sang balati-an.
Sa pamangkot naman kun nga-a indi dulungan ang paghatag sang cash assistance, ginpahayag ni Castillo nga prayoridad sang ahensya ang mga yara na nga daan sa lista.
