ILOILO CITY- Yara na sa work schedule 2 ang Iloilo Utilities Group sa pagpaninlo kag pagpanghimus sang mga nagasablag mga mga poste kag mga spaghetti wires sa Syudad sang Iloilo.
Sa interview sang Bombo Radyo kay Engr. Randy Pastolero, ang executive assistant for Power sang Iloilo City Government, iya ginpahayag nga sa subong,ila gintutukan ang Muelley Loney.
Suno kay Pastolero, ila gina-una sa pagpaninlo ang mga areas nga maagyan sa tion sang Dinagyang festivities agud nga mas mangin matahum ang syudad bilang pagtuman man sa mando sang alkalde nga tinluan ang area sa bag-o nga freedom grandstand.
Suno naman nga target sang grupo ang dalan JM Basa pakadto sa Iznart, Valeria, Quezon kag Mabini.
Gindugang pa niya nga ang ila nga hulag kag schedule ang magapadayon tubtob sa pagtakop sang tuig sa bulig man sang City Engineer’s Office kag mga telco companies nga kabahin man sang utilities group.
