Kun magkaon kita sang prutas sang saging, ginahaboy mo man bala gilayon ang panit sini?
Samtang pamilyar ang kadam-an sa matam-is kag fruity nga unod sang saging, gamay lamang ang nagventure agud testingan ang panit sini.
Suno kay Adda Bjarnadottir, isa ka registered nutritionist sa Iceland, magluwas nga malikawan ang food waste, indi pa mauyang ang vitamins kag minerals nga mahatag sang banana peel ukon ang panit sang saging sa diin epektibo ini nga panglakip sa diet.
Manggaranon man ang panit sang saging sang pila ka key nutrients kalakip na ang potassium, dietary fiber, polyunsaturated fats, kag essential amino acids.
Ang fiber nga yara sa panit sang saging amo ang nagabalanse sang blood sugar levels kag nagapaboost sang heart health.
Samtang ang potassium naman nga yara man sa banana peel ang nagabulig sa pagregulate sang blood pressure levels kag nagapabuhin sang risgo sa pag-angkon sang kidney stones.
Pahayag sang nutritionist, manggaranon man ang panit sang saging sa antioxidants nga nagapabuhin sang inflammation kag nagaproteher sa lawas sang tawo batok sa nanuhay-tuhay nga balatian kaangay sang heart disease, cancer kag diabetes.
Ang banana peel ukon ang panit sang saging ang mahimo nga i-bake, pabukalan, ukon prituhon kag mahimo man lutuon sa nagkalain-lain nga recipe
