Mahimo na nga ipagwa ang personal nga impormasyon sang mga pasyente nga may COVID-19.
Suno kay Cabinet Secretary Karlo Nograles, mandatory na ang pagpagwa sang impormasyon sang pasyente sang COVID-19 agud mas madali ang pagpatigayon sang contact tracing.
Ginmanduan naman sang Inter-Agency Task Force for the Management of Emerging Infectious Diseases ang Office of the Civil Defense kag Department of Health nga magdihon sang kasugtanan kun ano ang ipagwa nga datos sang mga pasyente nga naka base sa Data Privacy Act.
Madumduman nga una na nga nanawagan ang pila ka mga grupo sang mga abogado kag doktor nga nagakadapat nga ipagwa ang medical records kag personal nga impormasyon sang mga pasyente agud mas mangin epektibo ang pagpatigayon sang contact tracing.
Nagpanawagan man ang Inter-Agency Task Force for the Management of Emerging Infectious Diseases sa local government nga tugutan nga makapauli sa ila mga panimalay ang mga Overseas Filipino Workers matapos ang ila 14 ka adlaw nga quarantine.
Nahibaluan nga nagdangat na sa 9,628 ang mga Pilipino gikan sa luwas sang pungsod ang nakapauli na sa pungsod bangud sa COVID-19 pandemic.
Sa nasambit ng numero, 6,680 ang mga seafarers samtang 2,948 naman ang land-based workers.
Base sa record sang Department of Health nagdangat na sa 4,648 ang numero sang mga nagpositibo sa COVID-19 sa Pilipinas sa diin 297 ang napatay kag 197 naman ang naka recover na.
