Nagpanugyan si Pope Francis sa publiko nga indi magpangampo bangud sa kahadlok sa Coronavirus Disease 2019 sa baylo nga talupangdon ang mensahe sang paglaum ilabi na subong nga tion sang krisis.
Sa iya nga nangin Easter Vigil Service, nanawagan ang Santo Papa sa publiko nga mangin tagahatag sang kabuhi sa tion sang kalisod.
Ginpasalamatan man sang Santo Papa ang kaisog sang mga front liners ilabi na ang mga health care workers nga amo ang nagapanguna sa away batok sa COVID-19.
Liwat naman nga ginpakamalaot ni Pope Francis ang mga nagahingalit sa mga nagakinahanglan subong nga tiyempo sa baylo nga buligan sila.
Nagpahandumdom man ang natungdan nga ini ang tion agud maghugpong kag magbinuligay ang tanan agud mas madasig nga matapna ang halit nga gintuga sang COVID-19.
