Ginatugyan na ni Presidente Rodrigo Duterte sa Department of Social Welfare and Development ang pagpanghatag sang mga relief goods kag cash assistance sa mga apektado sang ginapatuman nga enhanced community quarantine.
Suno kay Presidente Duterte, indi niya luyag nga ang mga pulitiko pa ang magkapot sang pondo kag manghatag sang mga relief goods lakip na ang cash assitance.
Dugang sang natungdan, mahimo man nga madugang sang Department of Social Welfare and Development ang cash assistance sa mabaton sang mga benepesaryo sang Pantawid Pamilyang Pilipinong Program ukon 4Ps sang gobyerno.
Gin-ako naman sang presidente nga may yara sa gihapon sang mga pulitiko nga nagahingalit sa sitwasyon sa diin ginabuhinan pa ang bulig kun tani para sa mga kubos.
Ginmandu man ni Presidente Duterte ang mas madasig nga pagpanagtag sang mga relief goods para sa mga pamilya nga apektado sang Enhanced communiy quarantine bangud sa COVID-19.
