ILOILO CITY – Pagahatagan gilayon sang citation ticket ang mga violator may kaangtanan sa ginapatuman nga quarantine protocol sa syudad sang Iloilo.
Ini ang ginpahayag ni Iloilo City Police Office Director Police Col. Eric Dampal may kaangtanan sa pagpatuman sang bag-o nga curfew kag mas istrikto nga pagpatuman sang mandatory nga pagsuksok sang face mask kag pagsunod sa physical distancing.
Sa interview sang Bombo Radyo kay Dampal, iya ginpahayag nga wala na sang second chance nga igahatag sa mga violator indi kaangay sadto nga maximum tolerance ang ginapatuman sang Philippine National Police.
Suno kay Dampal, may yara sang PNP team nga nagalibot sa tion nga magpatak ang 10:00 sa gab-i tubtub 4:00 sa kaagahon nga curfew bilang bulig sa compliance team sang Iloilo City Government.
Ginpahayag ni Dampal nga ipatuman gid ang nagakaigo nga penalty santo sa nahimo nga violation may kaangtanan sa quarantine protocol.
