ILOILO CITY – Pagserbisyo sa pungsod ang katuyu-an sang pagtukod sang Ugnayan ng Pahinungod sang University of the Philippines Visayas.
Sa Good Morning Philippines program, ginpahayag ni Prof. Ruben Gamala, Faculty sang College of Management kag Director sang Ugnayan ng Pahinungod, nga ang katuyu-an sang pagtukod sang nasambit nga programa amo nga makatipon sang volunteer teachers nga graduate sang unibersidad agud nga makabulig sa pungsod.
Suno kay Gamala, ang mga graduate sang unibersidad ang ginbansagan nga iskolar ng bayan apang kalabanan ang nagatrabaho sa corporate world, domestic man ukon sa luwas sa pungsod.
Ginpahayag ni Gamala nga sang 1994, gin-umpisahan ang konsepto tubtub nga ginpatuman ini sang 1995 kag ang pinakadaku nga pagpanghangkat amo ang pagtipon sang volunteer teachers nga dal-on sa Mindanao, ilabi na sa mga malayo nga lugar.
Samtang, suno naman kay Prof. Julie Ramirez sang, Faculty sa College of Arts and Sciences kag Faculty Monitoring Team Member sang Ugnayan ng Pahinungod, ang iya assignment sa Taw-Tawi ang makabig nga once in a lifetime experience.
Sa sulod sang apat ka tuig, ginpahayag ni Ramirez nga iya nga nakadtu-an ang tanan nga isla sa Tawi-Tawi sa diin tuman ka budlay ang transportasyon nga paagi lamang sa lantsa kag speed boat nga indi moderno kasubong sa kinaandan.
Sa pihak sang kabudlay, ginpahayag sang natungdan nga ginbawi naman ini sang maayo nga paminatasan sang mga tawo sa lugar.
