ILOILO CITY – Dapat nga ipaiway anay sang mga pumuluyo ang pag-imbita sa tuman ka damo nga bisita sa tion sang selebrasyon apisar napaidalom na ang syudad sang Iloilo sa Modified General Community Quarantine (MGCQ).
Sa interview sang Bombo Radyo kay Iloilo City Councilor kag Liga ng mga Barangay President Irene Ong, iya ginpahayag nga dapat limitahan lang ang mga bisita sa mga kakilala ukon suod nga mga abyan.
Ini agud matuman sa gihapon ang physical distancing kag malikawan ang paglapta sang coronavirus disease 2019 (COVID-19).
Dapat man suno sa natungdan nga pamunuan sang punong barangay ang iya nasakupan nga pumuluyo agud mangin responsable sa pagpatigayon sang mga pagtilipon.
Magluwas sa physical distancing, tuman man ka importante suno kay Ong ang pagsuksok sang face mask.
