ILOILO CITY – Luyag sang pamilya nga makilala kag madakpan ang mga suspek nga nagtuyo sa pag-abduct sa 13 anyos nga dalagita sa Jereos Extension, La Paz, Iloilo City.
Sa interview sang Bombo Radyo kay alyas Jane, iloy sang biktima, iya ginpahayag nga nagapati siya nga gintuyo nga i-aduct ang iya nga bata baliskad sa pahayag sang otoridad.
Suno kay alyas Jane, imposible nga naulamid lang ang iya bata sa ginapahayag away sa tunga sang mga suspek kag sang concerned citizen nga nagbulig sa biktima.
Ginpahayag ni alyas Jane nga nagakadapat nga may yara sang nagabantay nga pulis kun sa diin natabo ang insidente agud nga indi na masulit pa ang insidente.
Dismayado ang iloy bangud wala sa gihapon sang lihok ang otoridad apisar sang natabo sa iya nga bata.
