Nadugangan pa gid ang pagtalangison sang pamilya sang isa ka OFW nga napatay sa Kuwait bangud indi iya lawas ang unod sang lungon nga nag-abot sa ila kundi lawas sang isa ka foreigner.
Base sa impormasyon, napatay ang OFW nga si Jenny Alvarado bangud sa coal suffocation sa iya ginaubrahan sa Kuwait sang Enero 2.
Sang gindala pauli sa Pilipinas ang iya bangkay, ginkakibot sang pamilya nga lawas ini sang isa ka Nepalese.
Nagpangayo naman sang pasaylo ang Department of Migrant Workers kag ginpasiguro nga himuon nila ang tanan agud madala pauli sa Pilipinas ang napatay nga Pinay OFW.
