Ginklaro sang chief presidential legal counsel sang Duterte administration nga si Atty. Salvador Panelo nga wala sang kasugtanan nga ginhimo si anay Presidente Rodrigo Duterte sa China nga indi sini pag-i-improve kag i-maintain ang BRP Sierra Madre sa Ayungin Shoal sa West Philippine Sea.
Suno kay Panelo, posible nga kaugalingon nga “publicity” ang gusto sang tawo nga amo ang nagapalapta sang istorya nga may kasugtanan si Duterte kay Chinese President Xi Jin Ping.
“Kung sino man ang nagkakalat ng gentleman’s agreement, ‘yung poý nagsisinungaling. Baka gusto lang ng publisidad sa sarili niya,” suno kay Panelo.
Kun matandaan, si anay presidential spokesman Atty. Harry Roque ang nagsiling nga may “gentleman’s agreement” ang Pilipinas sa China rason nga indi makapadala ang Pilipinas sang repair materials sa barko nga BRP Sierra Madre sa Ayungin Shoal.
Sa nauna nga pahayag ni Roque, ginsiling nga nakasugtan ini sang panahon ni anay President Duterte kag ginsapubliko ni anay Foreign Affairs Secretary Alan Peter Cayetano.
Pahayag pa ni Roque, santo sa nakasugtan, pagkaon kag tubig lamang ang sarang nga madala sa BRP Sierra Madre.
“This is not a secret deal. This was made public by Secretary [Alan Peter] Cayetano na walang gagalaw, walang improvement [sa BRP Sierra Madre], walang problema sa Ayungin,” dugang ni Roque.
Apang kun si Panelo ang pahambalon, duha ka beses niya nga gin-istorya si Duterte sang Holy Week kag nagapanginwala ini nga may agreement.
“Ang sabi niya, ‘I have not entered into any gentleman’s agreement whatsoever’,” suno kay Panelo.
“I have been avoiding that Ayungin Shoal like a hot potato kasi alam kong napaka mainit ‘yang topic na ‘yan kaya wala akong pinagkakasunduan kahit kanino,” dugang sini.
Mangin ang anak ni Duterte nga si Vice President SaraDuterte ang nagahipos sa sini nga isyu apisar sang pagpang-atake sang China sa West Philippine Sea nga ulihi natabo sang Marso 23. #
