Ginpahangop ni Pope Leo XIV sa atubang sang mga tumuluo nga Katoliko nga ginasikway sang Ginuo ang mga pangamuyo sang mga lider nga naga-umpisa sang gyera.
Ini ang sentro sang misa sang Santo Papa kadungan sang Domingo de Ramos ukon Palm Sunday sa St. Peter’s Square sa Vatican.
“This is our God: Jesus, King of Peace, who rejects war, whom no one can use to justify war,” suno kay Pope Leo nga amo ang una nga Santo Papa halin sa Estados Unidos sang Amerika.
Sa misa, gintawag man sang Santo Papa ang gyera sa Middle East nga malaot. Ginbalikan man sang US Pope nga si Hesukristo amo ang Hari sang Kalinong kag ginasikway sini ang gyera.
“[Jesus] does not listen to the prayers of those who wage war, but rejects them, saying: ‘Even though you make many prayers, I will not listen: your hands are full of blood’,” pahayag sini samtang ginagamit ang Bible passage.
“[Jesus] did not arm himself, or defend himself, or fight any war,” suno pa sa iya. “He revealed the gentle face of God, who always rejects violence. Rather than saving himself, he allowed himself to be nailed to the cross.”
Wala sang ginhingadlan si Pope Leo kun sin-o nga world leaders ang iya buot-hambalon. Apang talalupangdon nga sa kada semana sa sulod na sang isa ka bulan nga gyera, nagapanawagan ini sang ceasefire sa Iran.
Gintawag man sini anay ang pagpang-atake sang militar nga “indiscriminate” kag dapat na nga untatan.
Matandaan nga antes ini nga statement ni Pope Leo, may mga opisyal sa Estados Unidos sang Amerika nga naghiwat pa sang Christian prayer services sa Pentagon. Nanguna si Defense Secretary Pete Hegseth sa amo nga pagpangamuyo kun sa diin gingamit pa sini ang relihiyon agud nga pangapinan ang gyera sini kontra sa Iran.#
