Gindepensahan ni Davao City First District Rep. Paolo Duterte ang iya utod nga si Vice President kag Education Sara Duterte sa tunga sang pagpakamalaot nga nabaton sini bangud sa paghipos sa isyu sa West Philippine Sea.
Matandaan nga Martes sang ginmuno ni Akbayan party president Rafaela David nga wala gid sang tinimok-timok si Duterte sa nagasaka nga tensyon sa amo nga teritoryo sang Pilipinas.
Ginkwestyon man sini pati ang pag-depensa sang bise-presidente sa fugitive pastor nga si Pastor Apollo Quiboloy sa tunga sang mga ginahaboy nga akusasasyon sa iya.
Sa statement ni David, ginkwestyon sini kun “made in China” ang korason ni Sara bangud masarangan sini nga depensahan ang isa ka akusado nga rapist kag human trafficker apang nangin bulag kag apa naman pag-abot sa istoryahanay sa West Philippine Sea.
Sabat naman ni Cong. Paolo, dapat nga ang magakwestyon sa aktwasyon sang Chinese vessels amo ang architects sang foreign policy nga amo ang Secretary sang National Defense kag Secretary sang Foreign Affairs.
Indi na ini trabaho ni Sara suno kay Paolo.
“The question on the actions of Chinese vessels in the WPS should be directed to the chief architect of foreign policy, the Secretary of National Defense and the Secretary of Foreign Affairs.
“It is not the job of the Vice President or the Secretary of the Department of Education to demonize China or any country for that matter,” kabahin sang statement sang mamalidha.
Para pa kay Cong. Paolo, subong nga Holy Week, dapat nga binag-binagon man sang mga kritiko kun ngaa ginalansang na masami ang tanan kay Sara.
“As we pause and pray this Holy Week and reflect on the savior Jesus Christ as he is nailed to the cross, we shall also reflect on why you nail everything to the Vice President. And we fervently hope that your words are not part of the reason why there is action in the WPS,” pahayag pa sang lalaki nga Duterte.
Wala pa sang kaugalingon nga statement si Sara kaangot sa statement sang Akbayan batok sa iya.
Sang nagligad nga Marso 23 sang liwat nga nag-atake ang China Coast Guard sa resupply mission sang Pilipinas sa Ayungin Shoal kun sa diin liwat ini naggamit sang water cannon nga rason kun ngaa naguba ang sakayan sang Pilipinas kag napilasan pa ang tatlo ka Navy personnel.#
