Naglab-ot na sa 80 ang patay sa boat accident nga natabo sa Lake Kariba sa Zimbabwe.
Ini matapos ma-recover sang mga otoridad ang dugang pa nga walo ka mga bangkay samtang padayon ang ila ginapatigayon nga search and recovery operation.
77 naman ang naluwas sa insidente, samtang padayon ang pag-identify sa mga bangkay nga na-recover.
Sa matandaan nga natabo ang ini nga trahedya sang Agosto 11, 2026, sang nagbaliskad ang passenger boat nga Mbuya Nehanda samtang nagabiyahe halin Kariba pakadto sa Chalala Fishing Camp.
Base sa inisyal nga impormasyon, may 114 ka adult passengers kag lima ka crew members nga nakalista sa ticket records.
Apang posible nga may mga kabataan nga sakay man sang bangka nga wala nalakip sa rekord.
Ginpahayag man sa mga inisyal nga report nga 90 passengers lamang ang kapasidad sang bangka, gani ginalantaw sang mga otoridad ang posibilidad nga na-overload ini.
Padayon naman ang rescue kag recovery operation sa Lake Kariba.
