200 ang numero sang patay bangud sang serye sang pagpang-atake sang armado nga kalalakihan sa central Nigeria kadungan sang gab-i antes ang Paskuwa.
Suno pa sa local government sa Bokkos, posible nga madugangan pa ang numero sang patay sa masunod nga mga inadlaw bangud kritikal man ang kondisyon sang iban nga mga biktima sa ospital.
Sabado tubtub sang Domingo sang kaagahon sang gin-atake sang gangs ang 20 ka komunidad sa amo nga pungsod kun sa diin ginpangpatay ang mga residente, ginsunog ang masobra 200 ka mga balay kag 30 ka mga salakyan, kag ginkawat ang mga produkto sa amo nga kaumhan.
Nahibaluan nga ginapugaran sang bandit militia ang North-west kag central Nigeria kun sa diin naga-operate sila sa mga kagulangan kag masami nga nagpangawat kag nagapangkidnap sang mga residente agud makakuha sang kuwarta. # (Photo Credit: Kim Masara/AFPTV/AFP via Getty Images)
