ILOILO CITY- Nadugangan pa ang napatay sa natabo nga mass stabbing sa Southport, United Kingdom.
Suno sa otoridad, tatlo na ang patay matapos ginbawian sang kabuhi ang isa ka biktima nga bata nga babaye nga kritikal ang nangin kondisyon sa ospital.
Natabo ang pagpang-atake sa isa ka Taylor Swift themed event sa dance school sa northwest England kun sa diin duha ka bata ang dead on the spot.
Sa subong, walo pa ka mga biktima ang yara sa ospital kun sa diin lima sa ila ang kritikal ang kondisyon kalakip ang duha ka adults nga maisog nga ginprotektahan ang mga kabataan samtang ginabuno ang mga ini.
Ang suspek isa ka 17-anyos nga solterito nga gilayon nga naaresto sa scene of the crime.
Ang insidente ang ginakabig nga pinakamalala nga mass stabbing attack nga nag-target sa kabataan sa UK sa sulod sang pila ka dekada.
