Ginpadayaw ni President Ferdinand “Bongbong” Marcos Jr. nga masobra 80,000 ka mga manunudlo kag school heads sa pampubliko nga mga eskwelahan ang na-promote na.
Masobra man suno sa iya sa 30,000 ka bag-o nga teaching positions ang nahimo sang gobyerno.
Sa iya State of the Nation Address (SONA) kahapon, ginbalikan sang presidente ang iya speech sang 2025 sang nagpahayag siya nga wala na sang manunudlo sa pampubliko nga eskwelahan ang maga-retiro nga yara gihapon sa Teacher I nga posisyon.
Suno pa kay Marcos, pinaagi sa Expanded Career Progression, mas madamo na nga mga manunudlo ang nakaangkon sang promosyon.
“Ngayon, mahigit 80,000 guro at School Heads sa pampublikong paaralan ang na-promote gawa ng ating Expanded Career Progression. Nagkaroon na rin ng mahigit 30,000 karagdagang posisyon para lumakas ang puwersa ng mga guro,” suno sa presidente.
Naghatag man ang gobyerno suno sa iya sang instructional tools kag equipment lakip na ang Smart TVs, laptops, tablets, free mobile data, kag lapel microphones.
Agud masolbar ang kakulangan sang mga classroom, ginsiling ni Marcos nga nagabuligay ang DPWH, PAGCOR kag mga lokal nga panguluhan sa pagpatukod sang dugang nga mga mga classroom.
Dugang pa niya, magapatukod man ang pribado nga sektor sang una nga masobra 16,000 ka classroom sa Luzon pinaagi sa Public-Private Partnership (PPP), kag may masunod pa nga mga proyekto para sa Visayas kag Mindanao.
“For its part, the private sector too will construct its initial share of more than 16,000 classrooms in Luzon, by way of PPPs. Additional PPPs with higher production targets will soon follow for the Visayas and Mindanao,” pahayag pa sini.#
