Nabalik na sa gobyerno ang masobra P800-million nga balor sang ill-gotten assets nga halin sa ma-anomaliya nga flood control projects.
Suno kay President Ferdinand “Bongbong” Marcos Jr. sa iya nga State of the Nation Address (SONA), kabahin ini sang P20-billion nga ill-gotten assets.
Pahayag sini, ang tanan nga kuwarta nga mabawi halin sa mga kurap nga opisyal ang igabalik sa kaban sang gobyerno agud magamit para sa publiko.
Dugang pa sang Presidente, ginatugyan niya sa Office of the Ombudsman ang pag-usisa sang mga kaso. Nagpahayag siya sang pagsalig nga magapaguwa ang korte sang matarong nga desisyon.
“Nananalig din tayo sa makatarungang hatol ng hukuman. Makakaasa kayo na ang gulong ng hustisya ay tumatakbo,” suno kay Marcos.
Magluwas sa pagpasaka sang kaso kag pagpadakop sa mga kurap, nagapatigayon man sang mga pagbag-o suno kay Marcos sa Department of Public Works and Highways (DPWH).
“Bukod sa mga flood control projects, lahat ng mga proyekto ay sinuri at tiniyak na talagang kinakailangan at maayos — mula plano, presyo, hanggang pagpapatupad,” suno sa iya.
“Bantay-sarado ang bawat proyekto at ang nakalaang pondo sa transparency portal, integrity chain, at katuwang na mga civil society organization,” dugang niya.
Ini nga update sang president ang kasunod sang iya kumpirmasyon sa SONA nga malapit na lang pasakaan sang sampaw-sampaw nga kaso ang iya pakaisa nga si former House Speaker Martin Romualdez bangud sang ginaalegar nga involvement sa flood control scandal.#
