GUIMARAS – Nagpasalamat ang bag-o nga pinuno sang Philippine Coast Guard Station- Guimaras sa mainit nga pagbaton sa iya.
Sa exclusive interview sang Bombo Radyo kay Lieutenant Junior Grade Christian Bryan Ignacio, 32, iya ginpahayag nga na appreciate niya ang ginapakita nga maayo nga pagbinatasan sang mga Guimarason sa iya pagpungko bilang commander sang Coast Guard sa isla.
Si Ignacio ang nagdako sa Cavite kag anay commander sang District Support Group sa Palawan.
“Mga tawo nga taga Guimaras. Na-appreciate ko po yung warmest and overwhelming welcome nyo sa akin. Rest assured na ang Philippine Coast Guard is here,” pahayag ni Ignacio.
Nahibaluan nga duha ka bulan pa lang si Ignacio sa Guimaras.
Pinakapaborito naman sini nga kaunon sa Guimaras amo ang Mango Pizza kag burger.
Samtang, gin-ako man ni Ignacio nga wala siya sang lovelife bangud nagatutok siya subong sa iya trabaho.
