Nagpirma sang partnership agreement ang mga political parties nga Lakas–Christian Muslim Democrats (LAKAS-CMD) kag ang Partido Demokratiko Pilipino–Lakas ng Bayan (PDP-LABAN).
Natabo ang pirmahanay matapos nakapanumpa si Pampanga Rep. Aurelio “Dong” Gonzales bilang Senior Deputy Speaker sa Kamara kahapon, Mayo 22.
Natalana pa nga ipaguwa ang detalye sang amo nga partnership agreement.
Nahibaluan nga magkaupod sa partido sanday House Speaker Martin Romualdez kag Pampanga Rep. Gloria Macapagal Arroyo sa Lakas-CMD kun sa diin si Romualdez ang party president samtang si Arroyo ang chairperson-emeritus.
Si Gonzales naman ang myembro sang anay ruling party nga PDP-Laban.
Ang PDP-Laban amo ang ruling party sang nagligad nga administrasyon kag amo ang partido ni former president Rodrigo Duterte. Matandaan man nga nag-resign si Vice President Sara Duterte sa Lakas-CMD sang nagligad nga semana. #
All reactions:
66
