ILOILO CITY- Nagpasalig ang Chairman sang Cooperative Development Authority nga si Under Secretary Joseph B. Encabo kay Iloilo City Mayor Jerry Treñas nga hitsuhon ang problema sa Iloilo City Government Employees Multi-Purpose Cooperative.
Sa interview sang Bombo Radyo kay USec Encabo, iya ginpahayag nga sa ila bahin, magatukod sila sang investigating team agud mapadasig ang imbestigasyon sa natabo sa amo nga kooperatiba.
Suno kay Encabo, indi pa niya matumod ang magabug-os sang team nga magapadulong sa syudad agud mag-imbestigar apang magasugod sila sa masunod nga semana.
Nahibaluan nga personal nga nakigsugilanon si Encabo kay Mayor Jerry Treñas agud istoryahan ang mga tikang agud mapanabat ang mga tawo nga respondsable sa problema sa kooperatiba kag mabalik sa maayo nga estado para sa mga myembro sini.
Gin-athag naman ni Encabo nga imbestigaran man nila ang Cooperative Development Authority Region 6 nga ginapamunuan ni Director Nora Patron bangud sa posible pagpabaya.
Matandaan nga gindeklarar ni Mayor Treñas si Patron bilang persona non grata.
