PH FDA gin-aprubahan na ang EUA para sa Covaxin sang India kag Jannsen sang Johnson & Johnson

Gin-aprubahan na sang Food and Drug Administration (FDA) ang application sang Indian firm nga Bharat para sa emergency use authorization sang ila nga COVID-19 vaccine nga Covaxin kag ang Johnson and Johnsn para sa ila nga Janssen shots.

Sa Twitter, ginpasalamatan ni Indian Ambassador Shambhu Kumaran ang FDA, ang Department of Health kag si Department of Foreign Affairs (DFA) Sec. Teodoro Locsin Jr.

Gin-congratulate man niya ang Indian vaccine maker nga Bharat Biotech.

Samtang ginpasalamatan man ni Locsin ang India bangud sa ila interes sa pag-apply para sa EUA sa Pilipinas.

Nahibaluan nga gin-announce mismo sang Bharat Biotech nga ang Covaxin ang may yara sang 80.6 percent nga ka-epektibo base sa initial interim analysis sang ila late-stage clinical trials.

Samtang gin-anunsyar ni vaccine czar Sec. Carlito Galvez Jr. nga gin-aprubahan man sang FDA ang EUA para sa Janseen vaccine.

Sa clinical trials, nagapakita nga ang single-shot J&J vaccine ang may yara sang 85% overall efficacy batuk sa COVID-19.