ILOILO CITY- Wala ginakabig sang Philippine Army nga seryoso ang insurgency problem sa probinsya sang Iloilo apisar sang sunod-sunod nga engkwentro batok sa Communist Terrorist Group.
Sa interview sang Bombo Radyo Iloilo Kay LtCol. J-Jay Javines, spokesperson sang 3rd Infantry Division sang Philippine Army, iya ginpahayag nga nagaluya ang nasambit nga grupo kun sa diin wala man ang mga ini sang ikasarang nga magpatigayon sang tactical offensive.
Apang suno kay Javines, wala ginadula sang Philippine Army nga posible sa gihapon mag- atake ang mga rebelde nga grupo.
Gindugang pa ni Javines nga nagapadayon ang mandato kag direktiba sang militar nga indi pag- untatan ang pagptigayon sang mga military operations.
Ginpahayag pa ni Javines nga indi nila paghatagan sang oportunidad nga maka- reorganize kag makaplano sang tactical offensive ang rebelde nga grupo.
Dugang pa sang natungdan, luyag sang Armed Forces of the Philippines nga mangin matawhay kag developed ang tanan nga areas sa probinsiya apang may yara sa gihapon sang grupo nga naga-insister sang armed struggle ilabi na nga nagapalapit ang Barangay and Sangguniang Kabataan elections.
