Ginalantaw sang Philippine Football Federation nga dako ang tyansa sang Malditas ukon ang Philippine Women’s Football team nga makasulod sa Semi-Finals sa 30th Southeast Asian Games.
Sa interview sang Bombo Radyo kay Edwin Laru-an, Media Coordinator sang Philippine Football Federation, iya ginpahayag nga alas-8 karon sa gab-i patigayunon ang hampang sang Malditas kontra sa Malaysia sa Biñan, Laguna.
Suno kay Laru-an, kabahin man sang Philippine Women’s Football team ang Ilongga athlete nga si Hazel Lustan, tumandok sang Barotac Nuevo, Iloilo.
Ginakabig man sang natungdan nga mabaskog nga ka kompetensiya sang Pilipinas sa Footbal women amo ang Vietnam, Thailand kag Indonesia.
Nagapanawagan man si Laru-an sa mga Ilonggo nga suportahan ang Pilipinas agud madugangan ang kumpiyansa sang mga atleta sa ila kaugalingon.
