Ginpakigbahin sang Philippine Rural Electric Cooperatives Association, Inc. (PHILRECA) nga kinahanglan gid sang pungsod ang klaro nga mga tikang halin sa gobyerno agud nga mahagan-hagan ang epekto sang padayun nga nagasaka nga presyo sang gatong sa Pilipinas.
Sa interview sang Bombo Radyo kay Atty. Janeene Depay-Colingan, Executive Director sag PHILRECA, iya ginpahayag nga magapataas na man sang presyo sa kuryente ang mga electric cooperatives sa bulan sang Abril bangud sa tuman ka mahal nga presyo sang produktong petrolyo.
Suno kay Colingan, nagapangayo gid sila sang pasaylo sa publiko, apang nagasalig man ini nga maintindihan man sang kadam-an ang pag-increase sa electricity rate bangud halos tanan na nga sektor ang apektado sang krisis.
Isa man sa ginalantaw nga mangin solusyon sang asosasyon sa krisis amo ang matigayon na nga halinun ukon kaksun ang Value Added tax ukon VAT sa produktong petrolyo.
Dugang pa ni Colingan, wala pa man sang report halin sa mga electric cooperatives nga magamay nalang ang ila suplay sang enerhiya, samtang ang mataas sa gihapon nga presyo sang gatong ang nagapanguna nga problema sang mga kooperatiba.
 nga kinahanglan gid sang pungsod ang klaro nga mga tikang halin sa gobyerno agud nga mahagan-hagan ang epekto sang padayun nga nagasaka nga presyo sang gatong sa Pilipinas){kind=link}