ILOILO CITY – Pabor ang pila ka mga alkalde sa probinsya sang Iloilo nga magbaton sang mga i-repatriate nga Overseas Filipino Workers.
Suno kay San Miguel Mayor Marina Luz Gorriceta, nagakadapat nga batunon sang mga alkalde sa ila banwa ang mga repatriated nga Overseas Filipino Workers sa tion nga magpauli sila bangud katungdanan nila ini.
Dugang sang natungdan, sila sa San Miguel ang nagpahamtang na sang quarantine facility nga nakapasar na sa inspeksyon sang Department of Health kag Office of the Civil Defense kag handa na nga magbaton sang mga Overseas Filipino Workers nga magapauli.
Santo sa pahayag ni Gorriceta, nagakadapat nga magpahamtang ang kada Local Government Unit sang quarantine facilities nga mahimo pahamtangan sang mga repatriated OFW nga ipaidalom sa quarantine antes makapauli sa ila tagsa ka mga panimalay agud masiguro nga negatibo sila sa Coronavirus Disease 2019.
