ILOILO CITY- Nadudla na kag wala na sang plano nga magsulod sa kooperatiba ang pila ka operators sang jeep sa Iloilo City.
Sa interview sang Bombo Radyo kay Luzvie Salaspi, jeepney operator, iya ginpahayag nga ginpasalig lang sila sadto nga kun magsulod sila sa kooperatiba, iga- consolidate sila.
Apang suno kay Salaspi, ginkwaan lang sila sang kwarta kag wala gid sila na-consolidate.
Gintumod sini si Leody Lara nga amo ang vice chairman sang Iloilo City Alliance of Jeepney Owners and Drivers Association (ICAJODA) Panay Transport Cooperative (PTC).
Pahayag pa ni Salaspi, pila ka beses na nila ginreklamo si Lara sa Cooperative Development Authority Region 6 apang wala gid nagapakita si Lara kag mangin opisina sang Cooperative Development Authority ang masami wala man sang tawo agud mag-atubang sa ila.
Ang ginasinggitan ni Salaspi nga ibalik lang ang ila kwarta nga ginbayad para kuntani sa ila consolidation apang wala man nagtupa.
