Nagalaum ang pila ka mga transport cooperative nga nagpatigayun sang transport holiday kahapon nga adlaw sang Lunes, nga nabatian na sang gobyerno ang ila nga kawsa.
Sa interview sang Bombo Radyo kay Western Visayas Transport Cooperative (WVTC) Chairman Reymundo “Boyet” Parcon, iya ginpahayag nga dako ang ila nga pagsalig sa karun, nga mapatuman na ang fare hike sa tagsa ka mga Public Utility Vehicles (PUVs), agud makapiyan-piyan sa ila gastos sa matag-adlaw nga pagbyahe, ilabi na subong nga nagataas ang presyo sang gatong.
Dugang pa ni Parcon nga ila gid nahangpan ang wala pag-upod sang pila ka mga kooperatiba sa ila nga transport strike, bangud man sa pigado nga sitwasyon sang tagsa ka mga PUV drivers subong nga tyempo.
Ginapaabot man sang mga transport cooperatives nga mahatag na sa ila sa masunod nga semana ang ayuda nga gin-promisa sa ila sang gobyerno.
