Nakabaton ang Pilipinas sang lain naman nga floating asset nga mahimo makabulig sa mga sakayan sang pungsod sa West Philippine Sea.
Ini amo ang ocean tugboat nga ginbakal sang isa ka government agency sa Filipino shipbuilder nga Josefa Slipways, Inc. ang may dala na nga water cannons para mabatuan ang sunog.
Madasig ini maka-responde sa maritime accident ukon disaster; halimbawa, mahimo sini maguyod ang barko kag mapadungka sa safe nga pantalan. Mahimo sini guyuron mangin ang pinakadaku nga vessel sang Philippine government suno pa sa shipbuilder.
Gindugang man sang shipbuilding firm nga ginaduso sini sa isa pa ka government office ang multi-mission patrol vessel kun sa diin may feature man nga water cannon, may oil spill prevention mechanism, kag mahimo makabutang sang buoys sa West Philippine Sea agud mamarkahan ang teritoryo sang Pilipinas.
Magluwas sa pagtukod sang patrol vessel sang Bureau of Fisheries and Aquatic Resources (BFAR) patrol vessel, ini nga ship-building firm ang nagahimo man sang steel-hulled fishing vessels para sa local fishers.#
