Tatlo ang patay matapos nga nagtibusok ang isa ka gamay nga eroplano sa isa ka mobile home sa Florida, USA.
Suno sa Federal Aviation Administration (FAA), ang mga napatay amo ang piloto kag ang duha ka tawo nga yara gid sa area sang natabo ang insidente.
Bangud man sa amo nga plane crash, na-damage man ang tatlo ka iban nga trailers nga yara sa mobile home park.
Nabatian pa sa Air traffic control nga nag-deklarar ang piloto nga may emergency antes ini nadula sa radar sang ginabanta tatlo ka milya (4.8k) north sang runway sa St Pete-Clearwater International Airport.
Na-tumod na ang eroplano nga amo ang single-engine Beechcraft Bonanza V35 apang indi pa makumpirma kun pila gid ang sakay sini sang natabo ang insidente.
Imbestigaran pa dugang sang FAA kag National Transportation Safety Board ang amo nga plane crash.#
(Chris Urso/Tampa Bay Times via AP)
