BATAD, ILOILO – Handa na sa maabot nga eleksyon ang Batad Municipal Police Station kag Commission on Elections sa Batad, Iloilo.
Sa interview sang Bombo Radyo kay Police Lt. Felise Dioso, hepe sang Batad PNP, iya ginpahayag nga may yara sang 31 ka mga kapulisan nga ideploy na subong nga adlaw sa mga barangay sa Batad.
Suno kay Dioso, wala man sila sang may nakuha nga impormasyon nga may yara sang vote buying nga nagakatabo sa nasambit nga banwa.
Samtang suno naman kay Esther Abisa, Election Officer 3, may yara sang 14,886 ka mga botante ang banwa sang Batad santu sa narekord sang Commission on Elections (Comelec).
Nagpanugyan naman si Abisa sa publiko nga pilion sang maayo ang kandidato nga botohon sa eleksyon kag buligan man ang mga kapulisan sa pagpabilin nga matawhay kag hilway ang adlaw sang piniliay.
