Naglab-ot sa 19 ang mga napatay bangud sa pagkalumos kadungan sang Semana Santa sa Pilipinas.
Sa rekord sang Philippine National Police, nagapanguna ang Region 4A nga may pito ka mga napatay kag ginasundan sang Region 2 nga tatlo ang napatay.
Tag-duha ang napatay sa Regions VI kag III samtang tag-isa naman sa Region 1, 5, 8, kag 11.
Kadam-an sa mga biktima ang naga-edad 21-40, samtang lima naman sa mga biktima ang nagaedad 13-20-anyos.
Magluwas sa mga kaso sang pagkalumos, may na-rekord man ang kapulisan nga mga aksidente sa dalan, kinawatay, kag pagpang-abuso sa kabataan kadungan sang obserbasyon sang Balaan nga Semana.#
