Ginkumpirma sang Philippine National Police (PNP) ang pagsungka sang police general nga involved sa drug operation sa Manila sang 2022.
Si Police Lieutenant General Benjamin Santos Jr. ang boluntaryo nga nagsungka sa Regional Trial Court Manila Branch 44 kag nagpiyansa sang P200,000.
Suno kay PNP spokesperson Police Brigadier General Jean Fajardo, antes ang pagsungka ni Santos sa Criminal Investigation and Detection Group (CIDG),nagpasa na nga daan sang surrender feelers ang abogado sini.
Nahibaluan nga sa subong, yara sa 21 ka aktibo kag anay police officers ang sa kustodiya na sang PNP nga may kahilabtanan sa kontrobersiyal nga anti-drug operation sang 2022.
Kapin 30 ka kapulisan ang ginpasakaan sang panel of prosecutors bangud sa paglapas sa Comprehensive Dangerous Drugs Acts of 2002 kun sa diin sa 30 nga ginkasuhan, 29 sa mga ini ang ay may warrant of arrest.
Kalakip sa mga kaso amo ang pagtanom sang ebidensiya kag pagdelay para sa prosecutions sang drug cases.
