Liwat nga ginpabutyag ni Pope Francis ang importante nga panawagan nga untaton na ang gyera sa Gaza kag pasudlon ang ayuda agud mabuligan ang mga nasamaran nga yara na sa malala nga sitwasyon.
Pagkatapos sang tradisyonal nga Angelus prayer sa St Peter’s Square sa Vatican, ginsaad sang Santo Papa nga nagapangamuyo siya nga sa ngalan sang Diyos, mauntat na ang mga pagpang-atake.
“I keep thinking about the grave situation in Palestine and Israel where many people have lost their life. I pray you to stop in the name of god, cease the fire.”
Naghingyo man ini nga panumdumon ang mga kabataan nga inosente apang nadalahig sa inaway.
“There are also many children among them – may they return to their families! Yes, let’s think of the children, of all the children affected by this war, as well as in Ukraine and by other conflicts: this is how their future is being killed. Let us pray that there might be the strength to say, ‘enough’.”
Una na nga ginsiling sang 86-anyos nga Catholic leader nga dapat may yara sang tukuron nga humanitarian corridors kag kinahanglan ang two-state solution agud matuldukan ang gyera.
Nadala man sa pangamuyo sang Santo Papa ang lapaw 150 ka mga patay kag masobra 300 nga nasamaran bangud sa 5.6-magnitude nga linog sa Nepal; mga refugees sa Afghanistan; kag ang baha sa Italya kun sa diin anum na ang napatay.#
