Ginkumpirma sang Vatican ang kritikal nga kondisyon ni Pope Francis sa masobra isa ka semana nga pagtinir na sini sa ospital sa Roma sa Italya.
Sa statement nga gin-release pasado alas tres subong nga kaagahon, ginsiling nga nag-develop ang Santo Papa sang “asthmatic respiratory crisis” halin pa sang Sabado sang aga.
Bangud sini suno sa Vatican, ginkinahanglan ang application sang “oxygen with high flows.”
Bisan ginsiling nga alerto gihapon ang Pope kag nagpaligad sang adlaw nga yara sa iya nga armchair, ginplastar man nga mas malala ang kondisyon sini subong. Ginkumpirma man nga gintughungan ini sang dugo para sa treatment sa anemia.
Yari ang kabug-usan nga statement:
“The condition of the Holy Father continues to be critical. Therefore, as explained yesterday, the Pope is not out of danger. This morning, Pope Francis experienced an asthma-like respiratory crisis of prolonged intensity, which required the administration of high-flow oxygen.
Today’s blood tests also revealed thrombocytopenia, associated with anemia, which required the administration of blood transfusions.
The Holy Father remains alert and spent the day in an armchair, although he is more uncomfortable than yesterday. At the moment, the prognosis remains guarded.”
Una na nga ginsiling sang mga doctor nga kinahanglan anay sini magtinir sang isa pa ka semana sa ospital. Indi man sini ma-deliver ang tradisyonal nga Angelus prayer nga kada Domingo sini ginabasa sa atubang sang mga tumuluo.
Ini ang pangatlo nga tion sa iya pagpungko bilang Santo Papa halin sang 2013 nga indi sini mabasa ang Angelus Prayer. Sa baylo nga basahon, iga-publish lamang ang pangamuyo para sa mga Katoliko.
Pebrero 14 sang gindala ang Pope sa Agostino Gemelli Polyclinic bangud sa bronchitis nga sang ulihi nag-develop sa double pneumonia.
Ang double pneumonia isa ka serious infection nga nagapabudlay sa pagginhawa sang pasyente. Ginlaragway man sang Vatican nga complex ang infection sang Pope nga mahimo tuga sang duha ukon masobra pa nga micro-organisms.
May risgo man nga maglapta ang infection sa iya dugo kag magdevelop sa sepsis nga mabudlay gid nga lampasan ilabi na bangud sa respiratory condition kag edad sang pope.#
