Ginpangunahan ni Pope Leo XIV ang prusisyon sang mga tumuluo nga Katoliko sa Colosseum sa Roma sa Byernes Santo.
Ini ang una nga tuig halin sang 2022 nga personal nga nakigbahin liwat ang isa ka Santo Papa sa Way of the Cross. Gin-organisar ini nga aktibidad sa Colosseum halin pa sang 1964.
Mismo ang 70-anyos nga American Pope ang nagdala sang daku nga krus sa tanan nga 14 ka estasyon sa amo nga prusisyon nga amo ang nagamarka sang 14 ka ulihi nga mga hitabo sa kabuhi ni Hesus — halin sang ginpatay ini tubtub sa paglubong sa iya.
Si Pope Leo XIV ang ikaduha nga Santo Papa sa maragtas sang Simbahan nga nagdala sang Krus sa bilog nga Via Crucis. Ginhimo man ini anay ni Pope St. John Paul II halin sang 1980 tubtub sang 1994 sang siya ang lider sang Roman Catholic Church.
Samtang ginahakwat sang Santo Papa ang Krus, ginabasa ang passages halin sa Gospel kag ang excerpts halin sa mga ginsulat ni St. Francis kag meditations nga ginsulat naman ni Franciscan Fr. Francesco Patton, ang former Custos sang Holy Land.
Sa iya meditations, ginplastar ni Fr. Patton ang ehemplo ni St. Francis kun paano ikabuhi sang mga Kristyano ang theological virtues sang pagtuo, paglaum, kag paghigugma sa kalibutan.
“As in the time of Jesus,” pahayag sini, “we find ourselves walking through a chaotic, distracting and noisy environment, surrounded by people who share our faith in Him, but also by those who deride or insult Him.”
“The Way of the Cross is not intended for those who lead a pristinely pious or abstractly recollected life,” suno pa kay Fr. Patton. “Instead, it is the exercise of one who knows that faith, hope and charity must be incarnated in the real world”.
Ang Byernes Santo amo ang ikaduha sa apat ka Catholic holidays padulong sa Easter Sunday. Sa amo nga adlaw, maga-deliver si Pope Leo sang special blessing kag mensahe halin sa balkonahe sang St. Peter’s Basilica.#
