Naghimos na pauli ang Portugal nga ginapangunahan ni Christiano Ronaldo matapos nga nataktak na sa FIFA World Cup 2026.
Ini matapos ginlutos sang former World Cup champions kag reigning European champions nga Espanya sa Round of 16 sang tournament.
Matapos ang malawig nga scoreless match, nakahingagaw goal ang Espanya sa 91st minute paagi kay Mikel Merino nga amo ang nagpugong nga makaabante ang hampang sa extra time.
Ini ang una nga tion nga nakasulod ang Spain sa quarterfinal round halin sang nadag-an nila ang kampyonato sang 2010.
Hulaton sang Spain ang winner sa tunga sang Round of 32 match sang Belgium kag US nga amo ang ila atubangon sa quarterfinals sa SoFi Stadium sa Inglewood, California.
Una naman nga ginpahayag sang 41-anyos nga legendary striker nga si Ronaldo nga ini na ang iya katapusan nga World Cup.#
