ILOILO – Nagpositibo sa COVID-19 si Pototan, Iloilo Sangguniang Bayan Member Licurgo Tirador.
Sa interview sang Bombo Radyo kay Mayor Rafael Enrique “Adi” Lazaro, iya ginpahayag nga nagpatigayon na ang banwa sang contact tracing sa mga nakaupod ni Tirador.
Suno kay Lazaro, madamo man sang himata nga doktor si Tirador rason nga wala man nagpangduha-duha nga magpa-admit sa ospital.
Sa subong yara naman sa maayo nga kahimtangan ang konsehal.
