Handa si Presidente Rodrigo nga ibaligya ang mga assets sang gobyerno sa tion nga kulangon ang pondo sa pagbulig sa mga naapektuhan sang Coronavirus Disease 2019.
Suno kay Presidente Duterte, ang pagbaligya sa assets sang gobyerno ang isa sa mga nakita niya nga solusyon sa tion nga malubong na sa utang ang pungsod.
Ginpaanggid niya ang Cultural Center of the Philippines nga ibaligya niya agud gamiton nga bulig sa mga tawo.
Dugang sang natungdan, handa siya nga ihatag sa oposisyon ang pagbaligya sa assets agud wala sang anuman nga pagpangduha-duha.
Gin-athag man sang presidente nga ginatipon pa nila ang pondo para sa ayuda sang gobyerno sa mga apektado sang COVID-19.
Nagpasalig man ang natungdan nga mahatagan sang bulig ang tanan nga nagakinahanglan tubtob nga sya pa ang nagapungko sa posisyon.
Ginmanduan man ni Presidente Duterte si Department of Finance Secretary Carlos Dominguez nga mangita sang dugang pa nga pondo nga gamiton para sa pagpatigayon sang mga lihok sang gobyerno batok sa COVID-19.
