Gin-anunsyar sang Department of Energy (DOE) nga may yara sang price freeze sa household LPG kag kerosene products sa mga lugar nga gin-igu sang paglaslas ni Bagyo Ulysses.
Ginpatuman ini sa Marikina City kag sa mga probinsya sang Isabela, Cagayan, kag Aurora sa sulod sang 15 ka adlaw.
Suno sa ahensya, sa pagpatuman sang prices freeze, may yara sang rollback sa presyo apang ginadumilian ang pagpataas sa presyo sa sulod sang 15-day period.
Ang price freeze sa Marikina kag probinsya sang Isabela ang napatuman na umpisa sang Biyernes, Nobyembre 13 kag magalawig tubtob sa Nobyembre 27.
Sa Cagayan kag Aurora, nag-umpisa ini kahapon, Nobyembre 14, kag magalawig tubtob sa Nobyembre 28.
Una naman ginpahayag sang Malacañang nga wala sang pagpataas sang presyo sang nagapanguna nga kinahanglanon sa mga lugar nga napaidalom sa state of calamity.
