Ginkumpirma ni Palace Press Officer Atty. Claire Castro nga nagmando na si President Bongbong Marcos Jr. sang imbestigasyon sa Prime Water sa tunga sang mga reklamo sa ila pigado nga serbisyo ka mataas nga sukot.
Ang Prime Water ginapanag-iyahan sang Villar family kun sa diin si Camille Villar ang kabahin sang Alyansa Para Sa Bagong Pilipinas nga senatorial slate.
Suno kay Castro, wala sang lugar sa administrasyon ni Presidente Marcos Jr. ang kakulangan sa serbisyo.
Una naman nga ginduso sang isa ka mamalidha sa kamara ang isa ka legislative inquiry sa Villar-owned Prime Water Infrastructure Corp. nga amo ang nagahatag sang water services sa pila ka syudad bangud sa madamo nga reklamo.
Suno kay House Assistant Majority Leader Jay Khonghun, representative sang 1st District Zambales, maga-file siya sang resolution para sa isa ka “full-blown congressional investigation” sa operasyon sang PrimeWater sa tion nga magbalik sa sesyon ang kongreso sa Hunyo.
