ILOILO – Naghatag na sang sabat ang Schools Division Superintendent natuhoy sa ginapahayag film showing activity nga ginpatigayon sa duha ka section sang Grade 10 students sang Pili National High School kun sa diin makabig nga pornograhic material ang ginpalantaw sa mga estudyante.
Sa interiew sang Bombo Radyo kay Dr. Rowel Bermejo, Schoold Division Superintendent iya ginpahayag nga ginhatagan na niya sang plaso nga tubtob bwas nga adlaw si Dr. Reymus Baldivieso, principal sang nasambit nga eskwelahan agud makapasa sang incident report.
Suno kay Bermejo, kun mabaton na nila ang incident report ipa nila ini sa Regional Office sang Deparment of Education.
Dugang sang natungdan, gina tan-aw man nila ang posibilidad nga magpatukod sang investigating body nga amo ang maga imbestiga sa nasmabit nga isyu.
Santo sa pahayag ni Bermejo, sa subong indi pa sya makahatag sang komento natuhoy sa nasambit nga isyu bangud wala pa siya sang insakto nga ihibalo apang nagpasalig siya nga sa tion nga mag umpisa na ang imbestigasyon indi sya magpang duha-duha nga mahatag sang iya pahayag.
Sa subong suno kay Bermejo, hatagan anay sang tion nga makahatag sang ila nga bahin ang mga imbolbado agud mas mangin klaro ang matuod nga natabo sa nasambit nga isyu.
Samtang suno kay Bermejo, may yara sang standard nga ginhatag ang Deparment of Education kun sa diin nakadepende sa grado sang estudyante kun tubtob sa diin ang mahimo itudlo sang isa ka manunudlo sa estudyante.
Apang ginklaro sang natungdan nga hugot nga ginadumilian ang pagpagwa sang mga pronographic nga mga palagwaon sa eskwelahan.
