ILOILO CITY- Naglab-ot sa kapin P390.9 million ang balor sang iligal nga druga nga narekober sang Police Regional Office 6 sa tuig 2023.
Ini ang resulta sang ginpatigayon nga 2,112 ka mga drug buy-bust operation sa bilog nga Western Visayas.
Santo sa data sang Police Regional Office 6, nakaaresto sila sang 2,873 ka mga durugista kag ini ang mas mataas sa numero sang mga arestado sang 2022 nga yara sa 1,999.
Kun ipaanggid naman ang balor sang druga nga narekober sang 2023, mas mataas ini sa kapin P259.1 million nga balor sang illegal nga druga nga nakumpiska sang 2022.
