ILOILO – Tuman ang pagpasalamat sang mga residente sang Brgy. Igtuble Tubungan, Iloilo bangud sa pagpatigayon sang Project TINGGAS Thorough Implementation of Novel and Genuine Government Applied Services sa ila nga barangay.
Nahibaluan nga ang Brgy. Igtuble ang isa lang sa 48 ka mga kabarangayan nga ginpatigayunan sang nasambit nga programa nga magalawig sang pito ka tuig.
Isa man ang nasambit nga barangay nga na impluwensyahan sang insurhensya.
Sa interview sang Bombo Radyo kay Ornica Ellama, residente sang nasambit nga lugar iya iya ginpahayag nga nagapasalamat sila sa project TINGGAS nga programa sang gobyerno bangud nasabat sini ang pipila ka mga problema nila sa ila nga lugar ilabi na sa insurhensya.
Nagapasalamat man si Ellama sa insurhensya bangud naglinong ang ila nga lugar bangud man may yara na sang presensya sang mga kapulisan kag sundalo sa ila nga barangay.
Samtang gin athag naman ni Tubungan Mayor Roquito Tacsagon nga ang Project TINGGAS ang may katuyuan nga dal-on sa mga pumuluyo nga yara sa mga malayo nga lugar ang tanan nga serbisyo sang goberyno kag ipakita man sa ila nga handa nga maghatag sang bulig ang gobyerno sa ila mga kinahanglan lakip man ang problema nila sa agud insurhensya.
Suno sa alkalde, kaupod ang Task Force End Local Communist and Armed Conflict nga naga tudlo sa mga pumuluyo nga indi kinanglan pa nga magsaka sa bukid kag mangin miyembro sang mga rebelde nga grupo.
