Iloilo – Nagpanugyan ang Department of Education sa mga estudyante nga mag-obserba sang proper sanitation kag personal hygiene kadungan sang padayon nga pagtaas sang kaso sang hand, foot, and mouth disease sa Probinsya sang Iloilo.
Sa interview sang Bombo Radyo kay Leonil Salvilla, spokesperson sang Department of Education, Schools Division of Iloilo, iya ginpahayag nga nakipag-angot na sila sa mga local government kag rural health units sang mga kabanwahanan nga apektado sang amo nga balatian agud matapna ang paglaton sini.
Suno kay Salvilla, lapnagon ang kaso sang nasambit nga balatian sa banwa sang Tubungan, San Dionisio, Tigbauan, kag Pavia, Iloilo.
Matandaan nga sa data nga ginpagwa sang Iloilo Provincial Health Office, may ara sang 224 nga kaso halin sang Enero 1 tubtob 21 sang hand, foot, and mouth diseases.
Suno sa natungdan, wala sang dapat kabalak-an ang mga estudyante bangud may mga intervention ang Department of Education agud masolbar ang problema paagi sa pag-shift sa distance learning method nga sarang ginhimo sang ahensya sa tunga sang pandemya.
Ini amo ang nakabutang sa Department of Education Order No. 39 bilang pamaagi agud malagas sa gihapon sang mga estudyante ang ila mga leksyon kag indi makalaton sang kaangay nga estudyante.
