ILOILO – Nagpatigayon sang One Time Bigtime Clean-up sa probinsya sang Iloilo ang nanari-sari nga ahensya sang gobyerno bilang sabat sa indi maayo nga pagpatuman sang Solid Waste Management.
Sa interview sang Bombo Radyo kay Governor Arthur Defensor Jr., iya ginpahayag nga plano niya nga matigayon ang convergence clean up nga iya gintawag nga Limpyo Iloilo.
Suno kay Defensor, luyag man niya makig-angot sa Land Transportation Office agud strikto nga mapatuman ang pagbantay sa husto nga paghaboy sang basura sa mga dalanon sa probinsya.
Nagalaum man si Defensor nga maghugpong kag magbinuligay ang tanan sa pagpatigayon sang tanan nga programa sang probinsya nga nagahatag sang importansya sa katinlo.
